|
Die Bockzunft Stetten am kalten Markt e. V. ist ein Verein zur Pflege des fasnachtlichen Brauchtums, der 1950 gegründet wurde. Zentrale Figur der Stettener Fasnet und der Bockzunft ist der Bockstetter "Bock". |
|
|
|
Dia Stettener Fasnet stoht uffem Kopf!
|
In der schena Bockstadt Stetta
muss ma dia Fasnet dringend retta! Seit zwoi Johr scho und des isch dumm, hanget dia Fasnethäs jetzt blos no rum! Dia Narrarät taget, dia Marktfraua fraget, wie soll des bloß no weiterganga, mir miasat doch mol wieder mit der Fasnet a´fanga! Doch die Narren der Bockstätter Bockstatt zoiget jetzt was Stetta drauf hat! Dia machet d´Fasnet jetzt digital, besser wia gar it – allemal! Aus am Christbaum wird jetzt an Narrabaum, verruckte Zeiten – ma glaubt es kaum! Der Umzug wird zur Schnitzeljagt raus aus dem Haus und unverzagt, laufet älle durch da Flecka und suchet dia Narra in älle Ecka! Der Zunftball wird live im Netz übertraga! Für 4 € sind im Bockshop dia Ticket zum haba. No kasch mit am Häs uff´s Sofa nolieaga und dich dahoim vor Lacha verbieaga! Der Vorteil an der Sache isch, au wenn Du net in Stetta bisch, das ich jetzt als alter Stettner Bock, jetzt bloß no vor da Computer hock! So han ich au was von dem Ganza und ka der Bocktanz in der Stuba tanza! Kennt mer jetzt no an online – Kurs macha und dabei dia gute Fasnetskiachle bacha, wär mai Glück no ganz perfekt, weil des uns so saugut schmeckt! Jetzt wünsch ich älle Stettner Narra, lasset Euch vom Corona nicht verstarra! Bleibet g´sund und immer heiter, d´Fasnet goht au online weiter! Bock Mäh Fasnet 2021 gedichtet von Heidi Gohl (geb. Sauter) |
|
Noch kein Mitglied?Hier findet Ihr den Antrag:
|
|
| |||
